हाम्रोगाईघाट . ब्लगस्पोट . कम

सुबास 'आम्बोटेली' को गज़ल

बाल्यकालमा चरणको बाटो यही थियो
कस्तो लेखा मिलन अनि फाटो यही थियो

कति मिठो आहा ! तिम्ले बनाएकि खान्की
तिउन र च्याख्ला पाक्ने माटो यही थियो

दोभानले पाखालेका चिप्लेटिका ढुंगा
हाम्रो लागी ढिकी अनि जातो यही थियो

सृंगारिन्थेउ दुलहीझैँ कैले बन्थेउ लाटी
तिम्रो लागि दुलाहा र लाटो यही थियो

लहरामा फैलिएका भोर्ला का यी पात
पिपिरीलाई बाजा अनि छातो यही थियो
-सुबास 'आम्बोटेली' पलहरु (गजल संग्रह)