हाम्रोगाईघाट . ब्लगस्पोट . कम

उदयपुर,२२ चैत — उदयपुर जिल्लाको तपेश्वरी — १ भागलपुर स्थित गलफडीयामा आज बिहान भएको भिषण आगलागीमा परि एक जानाको मृत्यु हुनका साथै १५ घरगोठ जलेर नष्ट भएका छन ।
      स्थानीय बृषबहादर तामाङको घरमा खाना पकाउने क्रममा भएको आलागीमा परि स्थानीय २३ बर्षीय कमला खत्रीको मृत्यु भएको जिल्ला प्रहरी कार्यलयका प्रहरी नायव उपरिक्षक मनोज यादवले वताए ।सुष्तमनस्थितीकी खत्रीको आगलागीबाट भाग्दै गर्दा इनारमा डुवेर मृत्यु भएको हो । आगलागीमा परि स्थानीय चुडाराज बस्नेत,दुर्गाबहादुर खडका, चक्रप्रसाद दुलाल, बृषबहादुर बस्नेत, टंकबहादुर थापा ,रणबहादुर बिष्ट, अमरबहादुर बिष्ट लगायत १० परिवारको १५ घरगोठ जलेर नष्ट भएको स्थानीय बालजीत राईले वताए । आगलागीमा परि लताकपडा, गरगहना, खाद्यन्य , नगद सहित ८० लाख रुपैयाभन्द बढि नोक्सानी भएको हुन सक्ने प्रारम्भीक अनुमान छ । तामाङको घरमा खाना पकाउने क्रममा दाल झान्दा सल्केको आगोबाट आगलागी भएको प्रहरीले जनाएको छ ।
      राजविराज र इटहरीबाट आएका दुई वटा वारुणयन्त्रले आगो निभाउने प्रयास गरिरहेको स्थानीयले वताए । घटनास्थलमा दमलक आएपनि पानी अभावले आगोनियन्त्रण गर्न कठिनाई भई रहेको स्थानीय कर्ण तामाङले वताए

News by - Dilliram Khatiwada