ट्रकको ठक्करबाट दुई जनाको मृत्यु

उदयपुरको त्रियुगा नगरपालिका–४ स्थित असारी बरुवाखोलामा सोमवार बिहान ट्रकको ठक्करबाट दुई जनाको मृत्यु भएको छ भने अन्य दुई जना घाईते भएका छन । असारीबाट गाईघाट तर्फ आउँदै गरेको ना.३ ख. ६१७६ नम्बरको ट्रकको ठक्करबाट त्रियुगा नगरपालिका–४ असारीका २६ वर्षिय अन्जु दनुवार, धरान घर भएका ५३ वर्षिय धनमाया राईको मृत्यु भएको जिल्ला प्रहरी कार्यालय उदयपुरले जनाएको छ । दनुवारको घटनास्थलमा नै मृत्यु भएको छ भने राईको उपचारको लागी सूर्योदय हस्पिटलमा मृत्यु भएको जिल्ला ट्राफिक प्रहरी कार्यालय गाईघाटले बताएका छन । घाईते मध्ये त्रियुगा नगरपालिका–४ असारीका ३० वर्षिय सम्झना राईको अवस्था गम्भिर रहेको थप उपचारका लागी विपि कोईराला स्वास्थ्य विज्ञान प्रतिष्ठान धरान लगीएको छ । स्थानीय शंकर साहको गाडी आक्रोसित स्थानीयबासीले आगजनी गरेको छ । प्रहरीले गाडीमा आगजनी रोक्नका लागी भीड नियन्त्रण गर्न लाठी प्रहार र एक सेल टिर्य ग्यास प्रहार गरेको थियो । तर पनि भीडले ट्रकमा आगजनी गरेको प्रहरीले बताए । ट्रकको खलासीले चलाएका कारण दुर्घटना भएकोले प्रहरीले सहचालक अर्जुन विश्वकर्मालाई नियन्त्रणमा लिएको छ । बरुवा खोला बिचमा खुल्ला ठाउँमा गाउँबाट धरानका लागी बस चढ्न आएका उनीहरुको मृत्यु भएको हो
News by - ईश्वर तामाङ